OSHWDem 2016

Xa está anunciado o OSHWDem 2016. Terá lugar o 5 de novembro na Domus de Coruña. Prepara o teu robot para as competicións de robótica, participa nos talleres, visita a exposición de proxectos,…

Se queres saber máis, fai clic aquí.

Esa estraña nube no ceo

Viches algunha vez a Vía Láctea? É probable que non. Calcúlase que un 80% da poboación mundial non pode ver a nosa galaxia debido á contaminación lumínica.

No ano 1994 a cidade de Los Ángeles sufriu un apagón importantísimo a consecuencia dun terremoto. As chamadas de emerxencia comezaron a sucederse, pois no ceo había unha estraña nube prateada e a xente quería saber que era e se tiña relación co terremoto. Moitos dos habitantes estaban contemplando a Vía Láctea por primeira vez!

Máquina de Ruber Goldberg

Podes realizar unha tarefa de forma sinxela ou facelo ao modo dos cómics que debuxaba Rube Goldberg a principios do século pasado. Dende entón, o termo máquina de Ruber Goldberg é usado para referirse a un dispositivo que realiza unha tarefa simple dunha maneira moi complexa, xeralmente empregando efectos encadeados e incorporando un mínimo de 10 pasos.

Boa fin de semana!

Un filtro para o ordenador

Hai uns meses recomendaba a utilización de filtros en dispositivos móbiles como smartphones e tablets. Hoxe deixo un filtro que podes instalar no teu ordenador para minimizar a exposición á luz azul se pensas utilizalo pola noite. Os teus ollos agradecerancho e os teus ritmos de sono, tamén.

Imaxe residual negativa

Probablemente xa viches este efecto en prensa. Se non é así, fai clic no título desta entrada para ver a imaxe máis grande e segue as instrucións:

  1. Mira fixamente o punto branco que ten a muller no nariz polo menos durante 15 s.
  2. A continuación mira a área branca que hai á dereita da imaxe.

Sorprendente, verdade?

Os teus fotorreceptores satúranse mentres estás ollando para a imaxe da muller e tardarán un tempo (apenas segundos) en voltar ao estado non estimulado. Por iso cando pousas a vista na área branca só resultan estimulados os fotorreceptores que non se saturaron e iso fai que vexas a imaxe inicial en negativo.

Podes probar tamén con este outro exemplo.

II Concurso da Ciencia en Galego

Este ano xogamos con mazás e unidades de medida galegas nunha actividade na que todo o instituto estivo representado. Grazas a todxs por participar e un agradecemento especial para Modesto pola foto do cartaz e a reportaxe que realizou do evento.

Os gañadores, as clases de 2ºC e 4ºA. Desfrutade da merendola!!!

 

Cámara estenopeica

Recentemente vimos como a cámara VIDDY arrasaba en KickStarter. Trátase dun kit para montar a túa propia cámara estenopeica e ten un custo de 30 £ (sobre 38 €).

364d8740731aabfb888af1073eecfb10_large

A cámara estenopeica na súa versión máis simple está formada por unha caixa (por exemplo de cartón) na que non entra luz salvo por un pequeno burato que se practica na parte frontal. Interiormente ten unha superficie fotosensible sobre a que se rexistra a imaxe formada. Como o burato é moi pequeno, normalmente é preciso empregar tempos de exposición altos pero isto pode compensarse con película fotográfica de ISO alta.

Chromebooks no cole

Un chromebook é un ordenador que usa Chrome OS como sistema operativo. Dende a súa presentación en 2011 apareceron no mercado diferentes modelos de Samsung, Acer, Toshiba ou HP entre outros.

Algunhas das súas características:

  • Arrancan en poucos segundos.
  • O software instálase dende a Google Chrome Store e as actualizacións son automáticas.
  • Incorporan todas as utilidades Google.
  • Non precisa antivirus.
  • Non precisa alta capacidade de almacenaxe interna.
  • Boa conectividade, wifi e/ou 3G.
  • Moita autonomía (5, 6,… 8 horas!).
  • Bo prezo.

fan destes dispositivos duros competidores dos iPads en contornos educativos.

Máis en xataka.

Por onde anda a Voyager 1?

A sonda Voyager 1 foi lanzada en 1977 coa misión de explorar os límites do sistema solar. O verán pasado traspasounos e hai poucos días a NASA comunicaba que a sonda continúa viaxando polo espazo interestelar. Está previsto que continúe enviando información ate o ano 2025.

Trátase do primeiro obxecto humano en alcanzar o espazo interestelar e no seu interior pode atoparse un disco de ouro que contén información de interese sobre o noso planeta.

Impresionante, verdade?