O arco da vella secundario

Sabes como se produce un arco da vella? A luz incide nas gotas de auga que se atopan na atmósfera e se reflicte dentro delas dando lugar ao arco da vella primario. Sucesivas reflexións darían lugar a novos arcos da vella pero sucede que en cada reflexión a luz perde intensidade e por iso non chegamos a velos.

En ocasións pode apreciarse o que chamamos arco da vella secundario. Se observas con atención, verás que as cores están dispostas en orde inversa, sendo a cor vermella a máis interior e a violeta a máis exterior. Tamén podes observar que entre o primario e o secundario aparece unha zona visiblemente máis escura que o resto do ceo. Denomínase banda de Alexandre.

Lémbrao a próxima vez que teñas a sorte de contemplar este fenómeno!

Impresión 3D con botellas

Nos próximos meses veremos unha nova impresora 3D que permite utilizar botellas de plástico baleiras como material de impresión. Imaxina poder fabricar unha carcasa para o móbil coa botella do refresco que acabas de beber!

Fai clic aquí se queres ler a noticia completa.

E tivemos observación!

A Lúa, a Osa Maior con Mizar e Alcor, Saturno, moitas fotos e un chocolate ben quente para rematar (grazas, María!). Unha xornada preciosa que nos deixou a todxs con ganas de repetir.

Grazas por participar e a Salva Bará (AnB) por facelo posible. Vémonos na seguinte!

DSC_1159

Foto de Loli Blanco

Planetario móbil

O pasado mes de Marzo, na semana do 17 ao 21, tivemos o planetario móbil de EduCaixa instalado na Aula de Música 2 (grazas de novo, Pablo!).

Aproximadamente o 80% do alumnado asistiu á proxección da orixe das estacións e o ceo de primavera. Estou realmente contenta co nivel de participación e agardo vervos novamente en máis actividades de astronomía.

Grazas a todxs!

captura365

Lámpada de incandescencia

A semana pasada xs alumnxs de 2ºA e 2ºB realizaron lámpadas de incandescencia empregando cartón, parafusos, un vaso de vidro de iogur e fío de nicromo (para o filamento). Aquí vai un vídeo de demostración do seu funcionamento gravado por Alán (grazas!).