Lámpada de incandescencia

A semana pasada xs alumnxs de 2ºA e 2ºB realizaron lámpadas de incandescencia empregando cartón, parafusos, un vaso de vidro de iogur e fío de nicromo (para o filamento). Aquí vai un vídeo de demostración do seu funcionamento gravado por Alán (grazas!).

Biblioteca + Tecnoloxía

Este curso repetimos a experiencia de colaboración coa biblioteca do instituto. Marta, a dinamizadora da biblioteca, indicoulles aos alumn@s de 2º de ESO as características dos suxeitalibros que precisaba e estes realizaron diferentes deseños que unha vez construídos, poden verse nos andeis. No seguinte vídeo, os traballos de 2ºD.

Peaxe

O grupo de 4ºA formado por Julián, Alejandro, Ismael, Alberto e Daniel xa rematou o seu proxecto. Un PICAXE está programado para realizar un ciclo de funcionamento no que están controlados os tempos de subida, agarda e baixada da barreira así como o acendido/apagado dos LED. Parabéns polo traballo!!!

Podes seguir todo o proceso de deseño e construción a través do seu blog.

Os proxectos de 4º de ESO

Cada un dos proxectos de 4º de ESO ten asociado un blog para documentar o traballo diario: imaxes do proceso de construción, vídeos de probas de funcionamento, código do programa que controla o PICAXE,… Aquí tedes a lista:

  • Depósito de auga: proxecto de 4ºA que consiste nun depósito de auga que se baleira de forma automática cando se alcanza un determinado nivel.
  • Paso a nivel: proxecto de 4ºA no que un final de carreira pon en marcha un ciclo de subida e baixada de barreira.
  • Nora: proxecto de 4ºB no que unha nora pode invertir o seu sentido de xiro e ademais acender e apagar luces.
  • Garaxe: este grupo de 4ºB está traballando na apertura e peche da porta dun garaxe que incorpora tamén indicadores luminosos.
  • Iluminación dunha habitación: proxecto de 4ºA no que un LDR actúa como sensor para detectar a luz no exterior e subir ou baixar unha persiana en función do nivel de iluminación.
  • Ponte: este proxecto de 4ºA controla o ciclo de funcionamento dunha ponte no que a pasarela elévase e báixase incorporando indicadores luminosos.
  • Casa: neste proxecto de 4ºA un LDR funciona como sensor para detectar o nivel de iluminación exterior e abrir e pechar unha porta.
  • Telepeaxe: proxecto de 4ºA que consiste nun posto de control de peaxe accionado por un detector de presenza que abre e pecha unha barreira á vez que dá paso ou non mediante un semáforo.
  • Paso a nivel: proxecto de 4ºD no que un final de carreira permite iniciar o ciclo de funcionamento dunha barreira sincronizada cun semáforo.

V Exposición-concurso de Proxectos de Tecnoloxía

Hoxe celebramos a V Exposición-Concurso de Proxectos de Tecnoloxía no taller 1 do instituto. O xurado formado por Dennise Iglesias, Alexia Anido, Brahim El Ghotiss, Natalia Rodríguez e Eva Sanz seleccionou os seguintes proxectos como gañadores das diferentes categorías:

  • 2º da ESO: ponte levadiza de Juan Carlos, Jesús, Martín e Gregorio
  • 3º da ESO: coche cabledirixido de Ismael, Adrián, Sara e Rocío
  • 4º da ESO: ascensor con display de Sara, Paula, Reynaldo e María

Parabéns a tod@s @s alumn@s de tecnoloxía no nome das profesoras do departamento!!!!!!

V Exposición-Concurso de Proxectos de Tecnoloxía

O xoves 23 de Xuño terá lugar a V Exposición-Concurso de Proxectos de Tecnoloxía no IES de Pastoriza. Nesta ocasión, os proxectos poderán visitarse ao longo da mañá no taller 1. O xurado formado por profesores e alumn@s escollerá un gañador en cada unha das tres categorías: 2º ESO, 3º ESO e 4º ESO.

Proxecto de Juan Carlos, Martín, Gregorio e Jesús de 2ºC

Suxeitalibros de 2ºC

@s alumn@s de 2ºC recibiron unha encarga da biblioteca: deseñar e construír suxeitalibros para os diferentes andeis. Desenvolver proxectos como casos prácticos permite establecer conexións entre os contidos teóricos e prácticos aprendidos e o mundo real.

Blogs dos proxectos de 4ºA

@s alumn@s de 4ºA xa comezaron co deseño dos seus proxectos e tamén coas primeiras probas de concepto. Como novidade, este ano cada equipo documentará o seu traballo a través dun blog integramente escrito polos seus compoñentes. Nos diferentes blogs atoparedes o día a día dos proxectos, fotos, vídeos,… Para facilitar o seu seguimento, incluín un apartado coas ligazóns no menú principal.

usb_picaxe

Display de 7 segmentos controlado con PICAXE

A práctica proposta para hoxe foi a seguinte: deseñar un circuíto e un programa que permitiran controlar a través de PICAXE o funcionamento dun display de 7 segmentos que debía conmutar entre 1 e 3 ao accionar un final de carreira. Todo un reto para o que todavía sobraron 10 minutos que nos permitiron gravar o funcionamento dos dispositivos. Un traballo estupendo!

Podedes ver outro vídeo máis na canle de YouTube.