Un oso amoroso e un par Darlington

Algúns xoguetes como o da imaxe activan o seu dispositivo de saída (unha melodía, unha luz,…) cando o usuario toca dous puntos que fan que un circuíto eléctrico se peche.

Care-Bear01Como funcionan? Nesta situación, o corpo do usuario forma parte do circuíto cunha determinada resistencia que en principio faría que a intensidade establecida fora insuficiente para activar o dispositivo de saída. Isto pode solucionarse cunha etapa de amplificación con transistor.

O transistor amplifica a intensidade que entra a través da súa base, proporcionando unha intensidade de colector que dependerá da intensidade de entrada e da ganancia do transistor.

Pode suceder que o transistor non sexa quen de proporcionar unha intensidade suficientemente alta para activar o dispositivo de saída, e nese caso será preciso amplificar aínda máis a intensidade que entra pola base.

Esta operación pode realizarse cun par Darlington, onde dous transistores se conectan como se indica na figura, de maneira que a ganancia do conxunto é o produto das ganancias de ambos.darlington

No vídeo, os alumnos de 4ºA fixeron unha cadea colléndose das mans para pechar o circuíto, agarrando un deles o cable conectado ao polo positivo da pila e outro, o cable conectado á base do primeiro transistor.

Como resultado, o LED conectado no colector do segundo transistor acéndese cando a cadea está pechada e apágase no momento en que a cadea se abre nalgún punto, pois nesa situación temos un circuíto aberto. A configuración Darlington permite que a intensidade que circula polo LED sexa suficiente para acendelo a pesar da resistencia introducida pola inclusión de 13 persoas no circuíto!

Timelapse

Un timelapse é unha secuencia de vídeo que se reproduce a unha velocidade superior á que foi rexistrada, a fin de poder condensar nun pequeno espazo de tempo acontecementos que tiveron unha maior duración. Pode realizarse simplemente acelerando o vídeo gravado ou ben a partir dunha montaxe de fotografías tomadas a pequenos intervalos.

Hoxe en amazings publican este timelapse que vos recomendo! E se queredes máis, non vos perdades we are all made of stars.

we are all made of stars

Unha visita polo taller de Tecno

Apetécevos unha visita polo taller de tecnoloxía?

Cada clase está dividida en grupos, e cada grupo dispón dun espazo para traballar nas clases de teoría, dun panel de ferramentas do que é responsable e dunha caixa para gardar o seu proxecto. Ademais contamos con mesas e bancos de traballo, ferramentas de uso común,… Proximamente, os paneis rosa e branco.

Hologramas 3D

Esta fin de semana regaláronme un dispositico que serve para xerar hologramas 3D de forma instantánea (grazas!!!). Déixovos o vídeo para que vexades o efecto. Síntoo, a calidade de gravación podía ser mellor, pero empreguei o móbil, unha ferramenta de traballo que sempre levo comigo.

Desatención

A finais de Agosto publiquei unha entrada na que falaba de maxia e neurociencia, un pequeno resumo dunha interesante edición do programa Redes presentado por Eduard Punset. Nel facía referencia á cegueira por desantención exemplificada a través dun vídeo que naquel momento non puiden incrustar. Aquí está o vídeo! Tratade de contar cantos pases realiza o equipo branco… e sorprendédevos!